අදිසි අනතුර

 

අවාසනාව ඇය හඹා එමින් තිබිණි.

මාස අටක ගැබිනියක වූ ටේගන් වර්නර්, තම සහෝදරයාගේ නිවෙස වෙත යාමට තීරණය කරනුයේ සිය අවිවේකී, අතෘප්තිමත් දිවියට කිසියම් ඉසිඹුවක් ලබාදීමේ බලාපොරොත්තුවෙනි. හිම කුණාටුවකට හසුවී පාළු කැලෑබද ප්‍රදේශයක අතරමං වන ඇගේ තත්වය සිය මෝටර් රථය අනතුරකට ලක්වීමත් සමඟ තවත් දරුණු වෙයි.

සියල්ල නැවතත් ඇරැඹෙන්නේ එතැන් සිටය.

අනතුරින් ඈ ගලවාගැනීමට පැමිණෙන අමුත්තා කවුද?
ටේගන් බලාපොරොත්තු වූ ආරක්ෂාව ඔහුගෙන් ඇයට ලබාගැනීමට හැකිවේද?
ඇය, ඔහු සමඟ යාමට ගත් තීරණය නිවැරැදිද?
ටේගන්ගේත්, ඇගේ දරුවාගේත් ඉරණම කෙසේ ලියැවේද?