අබිරහස් සිරකාරියක් – පන් පසිඳුවන්ගේ වීර ක්‍රියා 3

” අන්න කියන කොටම ගඳයා ” ඩික් එක වරම කිව්වේ ටිමිගේ කර පටියෙන් අල්ලා ගැනීමට අත දිගු කරන ගමන්මයි.

ඒත් ටිමී ඩික්ට අසු නොවී ඉවතට පැන ගත්තා. ගොරවමින් වේගයෙන් ගඳයා දෙසට දිව ගියා. ගඳයා විලාප නගමින් ටිමීගෙන් බීට් පැන දුවන්නට වුණා. ඒත් ටිමී ඉක්මන් වුණා. එයා පැනපු ගමන්ම ගඳයාගේ බෙල්ලෙන් අල්ලා බිම පෙරළා ගත්තා. මීයකු මෙන් කනකින් අල්ලා සෙළවූවා. ඒත් එක්කම ස්ටික් කුස්සි අම්මා ලොකු පොල්ලකුත් අරන් මුළුතැන් ගෙයින් එළියට පැන්නා. ඒත් ඒ මේ අත වේගයෙන් පෙරළෙමින්, දඟලමින්, පොරකන බල්ලන් දෙන්නා අතරින් ටිමීව තෝරාගෙන පහර දෙන්නට ඇයට පුළුවන් කමක් තිබුණේ නෑ. කලින් වතාවේ වගේ තමන්ගේම බල්ලට පහර වදියි කියා ඈ බිය වුණා.

ජුලියන් ඉක්මනින් දිව ගොස් වතුර බටය අතට ගත්තා. වගා එකවරම පැන ගිහින් සැඟවුණා. ‘ මතකයි නේ කලින් වතාවෙ සිදුවුණ දේ..?’